السلام عليكم ورحمة الله وبركاته
كل عام وأنتم بخير رمضان كريم مؤخراً 
وااهه .. ما أصدق متى قدرت أنزل ذي التدوينة أخيراً 
!
!
تصدقون من قبل رمضان وأنا أقول بنزلها وما نزلت 
!
!
لسبب أو لآخر أنا مشغولة برمضان ذا بشكل
!
!
ههمم !!
صراحة في كلام كثير في راسي بكتبه 
وكثير مواضيع ودي أطرحها بذي المدونة الجميلة
أحس أني نفسي أطورها كذا أحس بشعور كذا مدري كيف..
بس عارفين داك الشعور إنو نفسك تسوي كثير أشياء بس مو قادر ؟
لأنو في حاجات أولوية أكثر منها
أححسس نفسي أقرأ كتب كككثييير !!
ونفسي أتفرج أفلام كثيير وبرامج هاك
!
!
^ وأولها برنامج خواطر ومحياي لكن شكلي ما بتفرجهم إلا بعد رمضان 
!
!
نفسي أشتغل ع الفوتوشب وأصمم هيدر رمضاني للمدونة وكذا
ووصل الحد فيني إن صديقاتي صاروا يشتكوا من قلة تواصلي معاهم 
وإن لولا المدرسة ما كلمتهم وكذا 
وإن بسبب الإجازة سحبت عليهم
ولإني صرت مغرورة وأتغيرت
ومن هـ الكلام الفاضي يلي مالوه معنى ولا أساس
أعزائي يمكن تسألوا وش السبب يلي يخليني :
ما أطور مدونتي وأكتب فيها كثير ؟
ما أقرأ كتب وأتفرج برامج وأفلام ؟
ما أتواصل مع ناسي وكذا ؟
جد جد أنا أكتب ذا الكلام فضفضة لا أكثر 
أنا حالياً بمرحلة إنتقالية في حياتي ..
وأي تقصير ينتج عني ذا مو معناه إني غير مهتمة..
ذا معناه إنو في شي أكبر من كذا شاغلني :(
جد فعلاً صرت أضايق لما صديقة لي معاها عشرة عمر تقعد توصفني بالغرور وإني تغيرت وهي أكثر وحدة تعرف ظروفي 
لكن إن شاء الله بيستقر وضعي قريب < مو قريب قريب بس يعني بعد كم شهر 
وأرجع أسوي كل نشاطاتي إن شاء الله
أنا كتبت ذا الكلام لأنو من جد بخاطري
ومعتبرة ذي المدونة صديقة لي أفضفض لها وهاك 
الزبدة وش جاب رمضان لذي الهرجة ؟ 
^ توها تستوعب إنها أنحرفت عن الموضوع كثير :|
المهم إن رمضان مبارك وكذا 
ويب كنت بقول إني أحب رمضان لأنه فيه روحانية جميلة وهاك 
< بالله ؟
< بالله ؟
وشكراً
^ يلي ما يحب الفضفضة يقرأ أول سطرين بس 
وعليكم السلام ورحمة الله وبركاته
ليست هناك تعليقات:
إرسال تعليق
* الآراء والإنتقادات البناءة تدفعني للإستمرار دائماً ..